Nazirlər Kabinetində bölgələrdə baş verən meşə yanğınları ilə bağlı işçi müşavirə keçirilib

Nazirlər Kabinetində bölgələrdə baş verən meşə yanğınları ilə bağlı işçi müşavirə keçirilib Nazirlər Kabinetində Azərbaycanın bölgələrində son dövrlər baş verən meşə yanğınları ilə bağlı işçi müşavirə keçirilmişdir
Daxili siyasət
3 Sentyabr , 2022 14:02
Nazirlər Kabinetində bölgələrdə baş verən meşə yanğınları ilə bağlı işçi müşavirə keçirilib

Sentyabrın 3-də Azərbaycanın Baş naziri Əli Əsədovun sədrliyi ilə Azərbaycanın bölgələrində son dövrlər baş verən meşə yanğınları ilə bağlı işçi müşavirə keçirilib.

Bu barədə "Report"a Nazirlər Kabinetindən məlumat verilib.

Müşavirədə aidiyyəti dövlət orqanlarının və qurumlarının rəhbərləri iştirak ediblər.

Müşavirədə meşə yanğınlarının baş verdiyi ərazilərdə hazırkı vəziyyət, yanğınların səbəbləri, yanğınlarla mübarizə tədbirləri, mürəkkəb relyefli zonalarda yaranan çətinliklər, eyni zamanda qarşıda duran vəzifələr və fəaliyyət müzakirə edilib.

Yanğınla mübarizə tədbirlərinin davam etdirilməsi ilə bağlı aidiyyəti dövlət orqanlarına və qurumlarına tapşırıqlar verilib.

Son xəbərlər

Orphus sistemi