Müsavat Partiyasının Lənkəran təşkilatının sədri istefa verib

Bakı. 22 yanvar. REPORT.AZ/ Müsavat Partiyasının Lənkəran şəhər təşkilatının sədri İmamverdi Əliyev partiya sıralarından istefa verib.

“Report”un xəbərinə görə, partiya Divanının bu gün keçirilən iclasında İ.Əliyevin ərizəsinə baxılıb və qeydə alınıb. O, ərizəsində səhhəti ilə əlaqədar istefa verdiyini bildirib. İ.Əliyevin istefası qəbul olunub.