Milli Məclisə seçkilərlə əlaqədar 934 nəfərin namizədliyi qeydə alınıb

Azərbaycanda fevralın 9-na təyin edilmiş növbədənkənar parlament seçkilərində iştirak etmək üçün müraciət edən namizədlərin yekun sayı açıqlanıb.

“Report”un məlumatına görə, bunu Mərkəzi Seçki Komissiyasının (MSK) sədri Məzahir Pənahov bu gün keçirilən iclasda deyib.

Onun sözlərinə görə, növbədənkənar parlament seçkilərində iştirak etmək üçün yekun olaraq 2431 namizəd müraciət edib:

“185 nəfər 16 siyasi partiya, 6 nəfər təşəbbüs qrupları tərəfindən, 743 nəfər isə fərdi qaydada namizədliyini irəli sürüb. Onlardan 2354 nəfərinin namizədliyi artıq təsdiq olunub, 2247 nəfəri isə artıq imza vərəqələrini alıb, onlarda 1764 nəfəri qaytarıb. 934 nəfərin namizədliyi qeydə alınıb. Onlardan 267 nəfər siyasi partiyanın üzvləridir".