Masallı rayon icra başçısının müavini vəzifədən azad edilib, Prezident Administrasiyasına təyinat alıb

Masallı Rayon İcra Hakimiyyəti başçısının müavini Nəsir Muxtarlı vəzifəsindən azad edilib.

“Report” xəbər verir ki, o, öz ərizəsi ilə işdən çıxıb.

N.Muxtarlı Prezident Administrasiyasının (PA) Regional idarəetmə və yerli özünüidarəetmə orqanları ilə iş şöbəsində baş məsləhətçi vəzifəsinə təyin olunub.

Qeyd edək ki, N.Muxtarlı Masallı Rayon İcra Hakimiyyəti başçısının müavini olmaqla yanaşı, Sosial-iqtisadi inkişafın təhlili və proqnozlaşdırılması şöbəsinin müdiri vəzifəsini də tuturdu.