Litvalı jurnalist: “Qara Yanvar azadlıq və müstəqillik uğrunda mübarizənin rəmzidir”

“Qara Yanvar Azərbaycanın azadlığı və müstəqilliyi uğrunda mübarizənin rəmzi kimi tarixə düşüb”.

“Report” xəbər verir ki, bunu vaxtilə Birinci Qarabağ müharibəsini işıqlandıran litvalı hərbi jurnalist Riçardas Lapaytis deyib.

“Bu günü əminliklə SSRİ-nin süqutunun başlanğıcı adlandırmaq olar. Bir gecədə 147 dinc sakin vəhşicəsinə qətlə yetirilib, 744-dən çox insan ağır yaralanıb, 841 nəfər həbs edilib, işgəncə və zorakılığa məruz qalıb” - o qeyd edib.

R.Lapaytis təəssüf hissi ilə bildirib ki, bütün faktlar və detallar hamıya aydın olsa da, Bakı küçələrində qan tökülməsinə səbəb olan dəhşətli vəhşiliklərin günahkarları cəzalandırılmayıb.