Kəlbəcərə yeni köçürülən sakinlərə mənzillərin açarları təqdim edilib – YENİLƏNİB-2

Yola salınan növbəti köç karvanı Kəlbəcər şəhərinə çatıb, sakinlərə mənzillərin açarları təqdim olunub.

"Report"un Kəlbəcərə ezam edilmiş əməkdaşı xəbər verir ki, açarların təqdim olunması mərasimində Prezidentin xüsusi nümayəndəliyi, Kəlbəcər rayonunda Bərpa, Tikinti və İdarəetmə Xidməti və Qaçqınların və Məcburi Köçkünlərin İşləri üzrə Dövlət Komitəsinin əməkdaşları iştirak ediblər.

Bu mərhələdə şəhərə Bakı və Gəncə şəhərləri, həmçinin ölkənin bölgələrindən 27 ailə (113 nəfər) köçürülüb. Sakinlər arasında 16 təqaüdçü, 3 azyaşlı, 25 şagird və 3 müharibə veteranı da yer alır. Bununla da Kəlbəcərin I yaşayış məhəlləsində birinci mərhələ üzrə ümumilikdə 162 (680 nəfər) ailənin qayıdışı təmin olunub.

Açarlar təqdim edildikdən sonra ANAMA-nın əməkdaşları sakinlərə ərazidəki mina təhlükəsi ilə bağlı təlimat verərək, onlara müvafiq broşürlər paylayıblar.

15:08

Kəlbəcərə yola salınan növbəti köç karvanı rayon mərkəzinə çatıb.

"Report"un Kəlbəcərə ezam edilmiş əməkdaşı xəbər verir ki, bu mərhələdə şəhərə 27 ailənin (113 nəfər) qayıdışı təmin edilib.

Kəlbəcərə köç edənlər ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

11:52

Kəlbəcər şəhərinə növbəti köç karvanı yola salınıb.

"Report"un Qərb bürosu xəbər verir ki, bu mərhələdə Kəlbəcər şəhərinə 27 ailə (113 nəfər) köçürülür.

Kəlbəcərə köç edənlər ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.