İlham Əliyev: Son 20 ildə kənd təsərrüfatı ilə bağlı texnika parkını yenidən formalaşdırdıq

Son 20 il ərzində faktiki olaraq texnika parkı tamamilə yenidən formalaşdırılıb.

"Report" xəbər verir ki, bunu Prezident İlham Əliyev kənd təsərrüfatı məsələlərinə həsr olunmuş müşavirədə deyib.

Dövlət başçısı qeyd edib ki, bu istiqamətdə də çox böyük işlər görülüb:

"Köhnədən qalan texnikalar demək olar ki, artıq yoxdur və burada da dövlət fermerlər üçün kifayət qədər qəbul edilən şərtlər ortaya qoyub. O cümlədən indi biz özümüz də kənd təsərrüfatı texnikasını istehsal edirik və gələcəkdə bu istiqamətdə əlavə addımlar atılacaq".