Gəncədə Məhəmməd Əmin Rəsulzadənin büstünün üzərindəki örtük götürülüb - FOTO

Bakı. 4 dekabr. REPORT.AZ/ Gəncə şəhərindəki “Dəmiryolçular” parkında Azərbaycan Xalq Cümhuriyyətinin (AXC) qurucusu Məhəmməd Əmin Rəsulzadənin büstü açılıb. “Report”un ərazidə olan əməkdaşı xəbər verir ki, büstün üzərindəki örtük götürülüb. Hazırda park ərazisində Gəncə Şəhər Mənzil-Kommunal Təsərrüfatları İstehsalat Birliyinin əməkdaşları təmizlik, təmir-bərpa işləri aparır. Ərazidə yaşıllaşdırma işləri aparılır, müxtəlif növ dekorativ ağaclar əkilir.