​Müsavat Partiyasının başqanı Brüsselə gedib

Bakı. 16 iyun. REPORT.AZ/ Müsavat Partiyasının başqanı Arif Hacılı Belçika paytaxtı Brüsselə səfərə gedib. 

Partiyadan "Report"a verilən məlumatına görə, o, iyunun 16-17-də Avropa Parlamentində “Şərq Tərəfdaşlığının gələcəyi” mövzusunda keçiriləcək müzakirələrdə iştirak edəcək.

Müsavat başqanının səfər çərçivəsində Avropa Parlamentinin rəsmiləri, Avropa ölkələrinin hökümət və dövlət nümayəndələri, postsovet məkanı ölkələrinin siyasi partiya rəhbəri ilə görüşü də planlaşdırılır.

A.Hacılını partiya başqanının müavini Səxavət Soltanlı müşahidə edir.