Yuxarı

​Tural Abbaslının tərəfdarlarından biri Müsavat Partiyasından xaric edilib

O, partiyadan çıxarılmasını Müsavatın hazırkı başqanı Arif Hacılını tənqid etməsi ilə əlaqələndirib

Bakı. 10 fevral. REPORT.AZ/ Müsavatın Binəqədi rayon təşkilatının sədrinin gənclərlə iş üzrə müavini Şamil Beydullayev partiya sıralarından xaric edilib.

Bu barədə "Report"a Ş.Beydullayevin özü məlumat verib. O deyib ki, partiyadan xaric olunması ilə bağlı qərarı Müsavat Mərkəzi Nəzarət-Təftiş Komissiyası çıxarıb.

Ş.Beydullayev partiyadan çıxarılmasını Müsavatın hazırkı başqanı Arif Hacılını tənqid etməsi ilə əlaqələndirib: "Sosial şəbəkələrdə Arif Hacılının yürütdüyü siyasəti tənqid edirdim. Ona görə də məni partiyadan xaric etdilər".

Qeyd edək ki, Ş.Beydullayev başqanlığa sabiq namizəd Tural Abbaslının təsis etdiyi "Ağ blok"da təmsil olunur. Məlumata görə, yay aylarına qədər qurultay keçiriləcək və blok partiyaya çevriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi