Bakıda polis bölmələrindən birinin rəisi dəyişdirilib

Bakı. 11 dekabr. REPORT.AZ/ Daxili işlər orqanlarında yeni təyinat olub.

“Report”un xəbərinə görə, Bakı şəhəri, Xətai Rayon Polis İdarəsinin 36-cı Polis Bölməsinin rəisi, polis polkovnik-leytenantı Vidadi Qurbanov vəzifəsindən azad olunub.

Onun yerinə polis polkovniki Sahib Babayev təyin edilib.

Bu təyinata qədər S.Babayev Xəzər Rayon Polis İdarəsinin 2-ci Polis Bölməsinin rəisi vəzifəsində çalışıb.