Azərbaycanda əhalinin siyahıyaalınmasına hazırlıq, onun keçirilməsi ilə bağlı tədbirlər planı haqqında qərara dəyişikliklər edilib

Bakı. 14 aprel. REPORT.AZ/ Nazirlər Kabineti "2019-cu ildə Azərbaycan Respublikasında əhalinin siyahıyaalınmasına hazırlıq və onun keçirilməsi ilə bağlı tədbirlər planı haqqında” qərara dəyişikliklər edib.

"Report" xəbər verir ki, qərarı baş nazir Artur Rasizadə imzalayıb.

Dəyişikliyə əsasən qərardakı 17-ci hissədə “Nəqliyyat Nazirliyi” sözləri “Nəqliyyat, Rabitə və Yüksək Texnologiyalar Nazirliyi” sözləri ilə əvəzlənib. 21-ci hissəyə “Rabitə” sözündən əvvəl “Nəqliyyat,” sözü əlavə olunub. Həmin qərara əlavə - “Əhalinin Siyahıyaalınmasına Yardım üzrə Mərkəzi Komissiyanın tərkibi”nin “Komissiyanın üzvləri” hissəsi üzrə “rabitə” sözündən əvvəl “nəqliyyat,” sözü əlavə edilib.