Azərbaycanda 2030-cu ilə qədər işsizlik səviyyəsinin 4 faizə endirilməsi planlaşdırılır

Bakı. 30 oktyabr. REPORT.AZ/ Azərbaycanda 2030-cu ilə qədər işsizlik səviyyəsinin 4 faizə, o cümlədən qadınlar və gənclər arasında işsizliyi minimum səviyyəyə endirmək planlaşdırılır.

“Report”un xəbərinə görə, bu, Prezident İlham Əliyevin təsdiqlədiyi “2019–2030-cu illər üçün Azərbaycan Respublikasının Məşğulluq Strategiyası”nda nəzərdə tutulur.

Sənəddə qeyd olunur ki, 2017-ci ildə işsizlik səviyyəsi – 5 faiz; qadınlar arasında – 5,9 faiz; gənclər (15–24 yaş) arasında –12,9 faiz; gənclər (15–29 yaş) arasında – 9,2 faiz olub.