Baş Nazirin müavini: "Azərbaycan dövləti sosial vəzifələri layiqincə həyata keçirir"

"Bəşəriyyət kövrək dövrü yaşamaqdadır. Bir tərəfdə zəngin insanlar, digər tərəfdə kasıblar var. Dünyanın dəyişdirilməsi ilə bağlı BMT layihə həyata keçirir. Məqsəd ondan ibarətdir ki, dünya fəlakətlərdən xilas edilsin".

"Report" xəbər verir ki, bunu Dayanıqlı İnkişaf Məqsədləri üzrə Milli Məlumatlandırma Portalının təqdimat mərasimində Azərbaycanın Baş Nazirinin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov deyib.

Ə.Əhmədov qeyd edib ki, Azərbaycan dövləti sosial vəzifələri layiqincə həyata keçirir: "Ölkə iqtisadiyyatı inkişaf edir. Azərbaycanda bu il əməkhaqqının artırılması ilə bağlı iki sərəncam imzalanıb. Bu, vətəndaşların sosial rifah halının yaxşılaşmasına xidmət edir".