Azərbaycan Prezidenti: Müstəqillik Gününü azad olunan ərazilərdə qeyd etməyim ənənəyə çevrilib

Prezident İlham Əliyev Şanlı Zəfərdən sonra - 28 May - Müstəqillik Günü bayramını azad edilmiş torpaqlarda qeyd etdiyini və bunun, artıq bir ənənəyə çevrildiyini bəyan edib.

"Report" xəbər verir ki, Şuşanın Böyük Qaladərəsi kəndində sakinlərlə görüşündə dövlət başçısı bildirib ki, onun fikrincə bu ən düzgün seçimdir:

"Müstəqillik Günü bayramını azad edilmiş torpaqlarda qeyd edirəm və bu, artıq bir ənənəyə çevrilib. Hesab edirəm ki, ən düzgün seçimdir. Bu Müstəqillik Günü hər birimiz üçün çox əzizdir. Amma o da faktdır ki, o vaxt - 1918-ci ildə əldə edilmiş müstəqillik cəmi iki il çəkdi. Onu o vaxt saxlaya bilmədik, əlimizdən alındı. Ondan sonra 70 il müstəqil dövlət kimi yaşamadıq", - o deyib.