Artur Rasi-zadə “Sumqayıt Bulvar” MMC-nin yaradılması haqqında qərar imzalayıb

Artur Rasi-zadə “Sumqayıt Bulvar” MMC-nin yaradılması haqqında qərar imzalayıb Sumqayıt bulvarının saxlanılması üçün üç yüz min manat vəsait ayrılacaq
Daxili siyasət
2531
16 Mart , 2017 09:32
Artur Rasi-zadə “Sumqayıt Bulvar” MMC-nin yaradılması haqqında qərar imzalayıb

Bakı. 16 mart. REPORT.AZ/ Sumqayıt şəhərindəki Dənizkənarı Bulvarın infrastrukturunun qorunub saxlanılması, ekoloji təhlükəsizliyinin təmin edilməsi, habelə onun idarəetmə sisteminin təkmilləşdirilməsi, ərazidə nəzarətin təmin edilməsi məqsədi ilə Sumqayıt Şəhər İcra Hakimiyyəti başçısının tabeliyində “Sumqayıt Bulvar” Məhdud Məsuliyyətli Cəmiyyəti yaradılıb.

"Report"un xəbərinə görə, bununla bağlı baş nazir Artur Rasi-zadə qərar imzalayıb.

Qərara əsasən, “Sumqayıt Bulvar” Məhdud Məsuliyyətli Cəmiyyətinin idarəetmə aparatının işçilərinin say həddi 10 ştat vahidi müəyyən edilib.

Əmlak Məsələləri Dövlət Komitəsinə “Sumqayıt Bulvar” Məhdud Məsuliyyətli Cəmiyyətinin Nizamnaməsinin təsdiq edilməsi və dövlət qeydiyyatına alınması üçün zəruri tədbirlərin həyata keçirilməsinin təmin edilməsi tapşırılıb.

“Sumqayıt Bulvar” Məhdud Məsuliyyətli Cəmiyyətinə cari il üzrə saxlanılması üçün Azərbaycanın 2017-ci il dövlət büdcəsinin ehtiyat fondundan üç yüz min manat vəsait ayrılacaq.

Son xəbərlər

Orphus sistemi