Yuxarı
    Bağlamaq

    Mövlud Çavuşoğlu: "Türkiyə Azərbaycan və Gürcüstanın ərazi bütövlüyünü dəstəkləyir"

    Tərəflər ölkələrin ərazi bütövlüyü çərçivəsində regionda münaqişələrin sülh yolu ilə həll olunmasının əhəmiyyətini təsdiq ediblər

    Bakı. 10 dekabr. REPORT.AZ/ "Türkiyə Azərbaycan və Gürcüstanın ərazi bütövlüyünü dəstəkləyir". "Report" xəbər verir ki, bunu Türkiyənin xarici işlər naziri Mövlud Çavuşoğlu Qars şəhərində Azərbaycan, Türkiyə və Gürcüstan XİN rəhbərlərinin üçtərəfli iclasının yekunlarına həsr olunmuş mətbuat konfransında bildirib. 

    Onun sözlərinə görə, hər iki həmkarı ilə keçirilən iclasda səmərəli müzakirələr aparılıb: "Toplantıda əvvəlki görüşdən indiyədək görülən işlər nəzərdən keçirilib, Bakı-Tbilisi-Ceyhan, Bakı-Tbilisi-Qars, TANAP regional layihələrinin əhəmiyyəti vurğulanıb. Biz həmçinin regional və dünya məsələlərini də müzakirə etmişik. Biz bu məsələlərə eyni tərzdə yanaşırıq. Biz ölkələrin ərazi bütövlüyü çərçivəsində regionda münaqişələrin sülh yolu ilə həll olunmasının əhəmiyyətini vurğuladıq".

    M.Çavuşoğlu Ermənistanın regional layihələrdən kənarda qalması məsələsinə də toxunub: "Ermənistan belə regional formatda görüşlərdə qonşu dövlətlərin sərhədlərinə hörmətlə yanaşdığı təqdirdə iştirak edə bilər". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi