Yuxarı

​Penitensiar xidmətdə Xocalı qurbanlarının xatirəsi anılıb

Anım mərasimi Xocalı hadisələrinə həsr olunmuş sənədli filmin nümayişi ilə başa çatıb

Bakı. 26 fevral. REPORT.AZ/ Xocalı soyqırımının 24-cü ildönümü ilə əlaqədar Ədliyyə Nazirliyinin Penitensiar xidmətinin baş idarəsində və xidmətin tabe müəssisələrində faciə qurbanlarının xatirəsinə həsr olunmuş tədbirlər keçirilib.

Bu barədə "Report"a xidmətin İctimaiyyətlə əlaqələr şöbəsindən bildirilib.

Tədbirlərdə erməni qəsbkarlarının azərbaycanlılara qarşı əsrlər boyu həyata keçirdiyi etnik təmizləmə siyasətindən, ümummilli lider Heydər Əliyevin böyük səyi sayəsində öz düzgün siyasi-hüquqi qiymətini almış və Heydər Əliyev Fondunun "Xocalıya ədalət" kampaniyasını uğurla davam etdirməsinin nəticəsi olaraq dünya ictimaiyyəti tərəfindən bəşəri cinayət kimi tanınmış Xocalı soyqırımının ağır nəticələrindən, Prezident İlham Əliyevin iştirak etdiyi bütün tədbirlərdə faciə ilə bağlı tarixi həqiqətlərin beynəlxalq aləmə çatdırılmasında gördüyü genişmiqyaslı işlərdən bəhs edilib.

Anım mərasimi Xocalı hadisələrinə həsr olunmuş sənədli filmin nümayişi ilə başa çatıb.


Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi