Yuxarı
    Bağlamaq

    Monteneqro XİN: "2017-ci ildə Qarabağ münaqişəsinin həllində irəliləyişlər müşahidə olunub"

    Sercan Darmanoviç: Monteneqro ATƏT-in münaqişələrin həlli institutunun səylərinə dəstək verməyə davam edir

    Bakı. 7 dekabr. REPORT.AZ/ "2017-ci ildə Gürcüstan, Moldova və Azərbaycandakı münaqişələrdə müsbət irəliləyişlər müşahidə edilib".

    "Report" xəbər verir ki, bunu Monteneqronun xarici işlər naziri Sercan Darmanoviç Vyanada ATƏT-ə üzv dövlətlərin Xarici İşlər Nazirləri Şurasının illik iclasında çıxışı zamanı deyib.

    "Bu hallarda status-kvonun təhlükəli xarakterini BMT qətnamələrinə və Helsinki Yekun Aktına əsaslanan sülh yolu ilə həll istiqamətində təşviq etmək lazımdır", - S.Darmanoviç bildirib.

    Onun sözlərinə görə, Monteneqro ATƏT xətti ilə dayanıqlı siyasi həll yolunun inkişafı üçün daimi atəşkəsin vacib olduğunu hesab edir.

    XİN başçısı qeyd edib ki, Monteneqro ATƏT-in münaqişələrin həlli institutunun səylərinə dəstək verməyə davam edir.

    Qeyd edək ki, ATƏT-in iclasında Azərbaycanın xarici işlər naziri Elmar Məmmədyarov da daxil olmaqla, 40-dan çox XİN başçısı iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi