Yuxarı
    Bağlamaq

    İƏT-in baş katibi: "Ermənistan işğal etdiyi Azərbaycan ərazilərini azad etməlidir"

    Yusif bin Əhməd əl-Üseymin:  İƏT ölkələri Azərbaycan ərazilərinin işğalına son qoymaq üçün Ermənistana təzyiq göstərməlidir© Courtesy İmage

    Bakı. 14 mart. REPORT.AZ/ İslam Əməkdaşlıq Təşkilatının (İƏT) baş katibi Yusif bin Əhməd əl-Üseymin Ermənistanı işğal etdiyi Azərbaycan ərazilərini azad etməyə çağırıb.

    "Report" xəbər verir ki, bu barədə "Anadolu" agentliyi məlumat yayıb.

    Baş katib İslam Əməkdaşlıq Təşkilatının Ciddə şəhərindəki baş qərargahında Xocalı faciəsinin 25-ci ildönümü ilə əlaqədar keçirilən tədbirdə çıxış edərək beynəlxalq səviyyədə tanınmış sərhədlərə hörmət etməyə çağırıb.

    Yusif bin Əhməd əl-Üseymin Ermənistanı Azərbaycan ərazilərini dərhal və qeyd-şərtsiz boşaltmağa çağırıb. "Xocalı faciəsi Ermənistanın Azərbaycan ərazilərini işğal etməsinin nəticəsidir" – deyə baş katib bildirib.

    İslam Əməkdaşlıq Təşkilatının baş katibi həmçinin İƏT ölkələrini Ermənistanın Azərbaycan ərazilərinin işğalına son qoymaq üçün bu ölkəyə təzyiq göstərməyə çağırıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi