Həmsədrlər: Azərbaycan və Ermənistan XİN başçıları yaxın günlərdə yenidən görüşəcəklər

Bakı. 12 iyul. REPORT.AZ/ ATƏT-in Minsk qrupunun həmsədrləri Azərbaycan xarici işlər naziri Elmar Məmmədyarov və Ermənistan xarici işlər naziri Zöhrab Mnatsakanyan arasında iyulun 11-də Brüsseldə keçirilən görüş barədə bəyanat yayıblar. 

"Report"un məlumatına görə, bəyanatda deyilir ki, dünən baş tutan görüş Azərbaycan və Ermənistanda seçkilərdən sonra ilk görüşdür. 

Bəyanatda bildirilib ki, Azərbaycan və Ermənistan xarici işlər nazirləri yaxın günlərdə həmsədrlərin təşəbbüsü ilə yenidən görüşmək barədə razılığa gəliblər.