Yuxarı
    Bağlamaq

    Fransanın XİN başçısı Yerevanda Qarabağ münaqişəsinin həlli məsələsini müzakirə edib

    Bakı. 28 may. REPORT.AZ/ "Fransa Ermənistan-Azərbaycan, Dağlıq Qarabağ münaqişəsinin sülh yolu ilə həll edilməsində irəliləyişə imkan verəcək istənilən qərarı dəstəkləməyə hazırdır."

    "Report"un "Sputnik"ə istinadən verdiyi məlumata görə, bu barədə Ermənistan XİN-də keçirilən brifinqdə Fransanın xarici işlər naziri Jan-iv Le Drian bildirib.

    Fransa XİN rəhbəri Ermənistana bu gün, mayın 28-də gəlib. O, həmçinin Ermənistan prezidenti Armen Sarkisyan və baş nazir Nikolo Paşinyanla görüşlər keçirəcək.

    "Mən dünən demişəm və bu gün də deyirəm: "Fransa əmindir ki, Qarabağ münaqişəsini güc yolu ilə həll etmək mümkün deyil", - Le Drian deyib.

    Onun sözlərinə görə, nə status-kvo, nə güc variantı münaqişənin həll yolu deyil: "Sülh yolu ilə həllin alternativi yoxdur, məsələyə praqmatik və kreativ yanaşmaq lazımdır."

    Xatırladaq ki, mayın 27-də Le Drian Bakıda səfərdə olarkən azərbaycanlı həmkarı Elmar Məmmədyarovla Dağlıq Qarabağ münaqişəsinin sülh yolu ilə nizamlanması ilə bağlı müzakirə aparıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi