Bakı. 17 İyul. REPORT.AZ/ Ermənilər cəbhə xəttinin Ağdam istiqamətində yanğın törədiblər.
"Report" xəbər verir ki, qarşı tərəf gecə saatlarında Ağdam şəhərinin xarabalıqlarında və rayonun işğal altında olan Muğanlı, Abdal Gülablı kəndlərinin ərazilərində yanğın törədiblər.
Düşmən qüvvələri, həmçinin həmin istiqamətlərdə yerləşən dağ massivlərində meşə və quru otlaq sahələrinə od vurublar. Güclü alov sözügedən istiqamətlərdə səhər saatlarınadək müşahidə olunub.