Yuxarı
    Bağlamaq

    Belarus Azərbaycan və Ermənistanla Dağlıq Qarabağ problemini müzakirə edib

    Müdafiə naziri Andrey Ravkov Azərbaycan və Ermənistandan olan həmkarları ilə müvafiq danışıqlar aparıb

    Bakı. 3 aprel. REPORT.AZ/ Belarusun müdafiə və xarici işlər nazirləri Dağlıq Qarabağ regionunda yaranmış vəziyyəti Azərbaycan və Ermənistandan olan həmkarları ilə müzakirə edib.

    "Report" "RİA Novosti"yə istinadən xəbər verir ki, bu barədə Belarus prezidentinin mətbuat xidmətinin məlumatında deyilir.

    "Belarus prezidentinin tapşırığına əsasən, Qarabağ münaqişəsi zonasındakı vəziyyət nazirlər səviyyəsində də müzakirə olunub. Belarusun müdafiə naziri Andrey Ravkov Azərbaycan və Ermənistandan olan həmkarları ilə müvafiq danışıqlar aparıb", - məlumatda bildirilir.

    Eyni zamanda diplomatik kanallar vasitəsilə də analoji işlərin görüldüyü bildirilir. Belarusun xarici işlər naziri Vladimir Makey artıq Azərbaycanın XİN başçısı Elmar Məmmədyarov ilə məsləhətləşmələr aparıb. Hazırda Ermənistan tərəfinin XİN başçısı Edvard Nalbandyanla danışıqlar aparmağın imkanları öyrənilir.

    Foto: www.touristmaker.com


    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi