Yuxarı
    Bağlamaq

    Bahar Muradova: “Lapşinin Azərbaycana ekstradisiyası pozucu mövqedə duran hər kəsə mesajdır”

    “Hər kəs bundan öz ibrətini və dərsini götürməlidir”

    Bakı. 10 fevral. REPORT.AZ/ “Azərbaycanın işğal olunmuş ərazilərinə qeyri-qanuni səfər etmiş Rusiya və İsrail vətəndaşı, bloqer Aleksandr Lapşinin Azərbaycana ekstradisiyası pozucu mövqedə duran hər kəsə işarə və mesajdır”.

    “Report”un xəbərinə görə, bunu Milli Məclisin sədr müavini Bahar Muradova deyib.

    O bildirib ki, bu, eyni zamanda Azərbaycan dövlətinin Dağlıq Qarabağa münasibətdə belə qanun pozuntuları ilə müşahidə olunan cəhdlərə göstərdiyi qətiyyətli mövqeyin nəticəsidir: “Eyni zamanda Azərbaycan diplomatiyasının ölkə prezidentinin rəhbərliyi ilə həyata keçirilən işin müsbət nəticəsidir. Hesab edirəm ki, bu, çəkindirici xarakter daşıyır. Bu addım indiyədək Azərbaycana qarşı bu hərəkətə yol verənlərin öz səhvini anlaması və Azərbaycan hökumətinin müvafiq qurumlarına müraciət edərək belə bir yanlışlığa yol verdikləri üçün üzrxahlıq etməsinə şərait yaradır. Eyni zamanda, bu işi təşkil edən Ermənistana, erməni lobbisinin təşviqatına, yalançı təbliğatına uymamaq üçün digər ölkələrin vətəndaşlarına mesajdır. Hesab edirəm ki, hər kəs bundan öz ibrətini və dərsini götürməlidir”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi