Yuxarı
    Bağlamaq

    ​ATƏT-in Daimi Şurası Dağlıq Qarabağ üzrə xüsusi iclas keçirəcək

    Görüş Vyanada təşkil olunacaq

    Bakı. 5 aprel. REPORT.AZ/ ATƏT-in Daimi Şurası Dağlıq Qarabağ münaqişəsinin nizamlanması üzrə Minsk qrupu üzvlərinin iştirakı ilə Vyanada xüsusi iclas keçirəcək.

    "Report" xəbər verir ki, bu barədə təşkilata istinadən RİA "Novosti" məlumat yayıb.

    Görüş zamanı Minsk qrupunun həmsədrləri - səfir İqor Popov (Rusiyaə), səfir Ceyms Uorlik (SŞA) və Pyer Andriyonun (Fransa) Şuranı hazırkı vəziyyət və münaqişənin həlli yollarının axtarışı üzrə gələcək addımlar barədə məlumatlandıracağı gözlənilir.

    Bundan əlavə, Ermənistan, Azərbaycan, Belarus, Almaniya, İtaliya, İsveç, Finlandiya və Türkiyənin də daxil olduğu Minsk qrupu iştirakçılarının gün ərzində görüş və məsləhətləşmələri keçiriləcək.

    ATƏT-in Daimi Şurası təşkilat ölkələrində baş verən hadisələri müzakirə etmək və müvafiq qərarlar qəbul etmək üçün hər həftə Vyanada toplaşır. İclaslar sədr başda olmaqla iştirakçı ölkələrin təşkilat yanında daimi nümayəndələrinin iştirakı ilə keçirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi