Yuxarı

Rusiya XİN Konstantin Zatulinin Dağlıq Qarabağa qanunsuz səfərinə münasibət bildirib

Rusiya XİN Konstantin Zatulinin Dağlıq Qarabağa qanunsuz səfərinə müna

"Dağlıq Qarabağla bağlı səsləndirilən fikirlər şəxsi fikirlərdir. Rusiya Federasiyasının rəsmi mövqeyini isə Xarici İşlər Nazirliyi açıqlayıb".

"Report"un Rusya bürosu xəbər verir ki, bunu Rusiya Xarici İşlər Nazirliyinin (XİN) sözçüsü Mariya Zaxarova Rusiya Dövlət Dumasının MDB, Avrasiya inteqrasiyası və həmvətənlərlə iş üzrə komitəsinin sədr müavini Konstantin Zatulinin Dağlıq Qarabağa səfərinə münasibət bildirərkən deyib.

"Biz diplomatik kanallarla Azərbaycandan nota almışıq. Bizim saytda çoxdan yerləşdirilib ki, Dağlıq Qarabağa Azərbaycan Respublikasının razılığı olmadan getmək Azərbaycanın "qara siyahı"sına düşmək deməkdir. Rusiya Federasiyasının bu məlumatı hər kəsə aiddir", - M.Zaxarova bildirib.

Qeyd edək ki, Konstantin Zatulin oktyabrın 11-də işğal altında olan Azərbaycan torpaqlarına səfər edib. Separatçı rejimin keçirdiyi "Artsaxın dostları Ədalət və sülh naminə əməkdaşlıq" adlı "beynəlxalq forum"da çıxış edən rusiyalı deputat Azərbaycan əleyhinə bəyanatlar səsləndirib.

İqbal Rüstəmov

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi