Bakı. 30 aprel. REPORT.AZ/ Xorvatiyada “Françayzinq, maliyyə və konsaltinq xidmətləri” beynəlxalq sərgisi keçiriləcək.
“Report” Azərbaycanda İxracın və İnvestisiyaların Təşviqi Fonduna (Azpromo) istinadən xəbər verir ki, sözügedən sərgi iyunun 2-3-də Opatiya şəhərində təşkil olunacaq.
Bu ilin may ayında isə İranın Urmiya şəhərində I İnvestisiya imkanları konfransı keçiriləcək.
Azərbaycanda fəaliyyət göstərən sahibkarlar və işgüzar dairələr sərgi və konfransa iştiraka dəvətlidir. Tədbirlər haqqında ətraflı məlumat əldə etmək istəyənlər "Azpromo"ya müraciət edə bilərlər.