Yuxarı

​Vergilər naziri Yevlaxda vətəndaşları qəbul edəcək

Qəbulda həmçinin Ağdaş, Ucar və Zərdab rayonlarının sakinləri iştirak edə bilərlər

Bakı. 17 dekabr. REPORT.AZ/ Dekabrın 18-də vergilər naziri Fazil Məmmədov Yevlax rayonunda 11 saylı Ərazi Vergilər Departamentinin Nizami küçəsi,14 ünvanında yerləşən inzibati binasında Yevlax, Ağdaş, Ucar və Zərdab rayonlarından olan vətəndaşları qəbul edəcək. Bu barədə "Report"a nazirliyin mətbuat xidmətindən məlumat verilib.

Qəbulda vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyi və inzibatçılığının tətbiqi və vergi ödəyicilərinə göstərilən xidmətlərlə bağlı müraciətlərə baxılacaq.

Adları yuxarıda qeyd edilən rayonlardan olan, qəbulda iştirak etmək istəyən vətəndaşlar Vergilər Nazirliyinin 195 Çağrı Mərkəzi, 11 saylı Ərazi Vergilər Departamenti, Ağdaş, Ucar və Zərdab rayonu vergi ödəyicilərinə xidmət mərkəzləri ilə əlaqə saxlayıb qəbula yazıla bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi