Bakı. 2 sentyabr. REPORT.AZ/ Türkiyənin Giresun şəhərində yaşayan texnika mütəxəssisi Xəlil Quşdəmir ağacdan yerə tökülmüş fındıqları yığmaq üçün maşın ixtira edib.
“Report” türk mətbuatına istinadən xəbər verir ki, çəkisi 50 kq olan maşın benzinlə işləyir və elektrikli süpürgəyə malikdir.
“Bu maşın 10 saat işləyəndə 5 litr benzin yandırır. Bu isə 26 lirə (təxminən 13 manat) xərc deməkdir. Bu pulla fındığı əllə yığan 10 nəfərin xidmətindən imtina etmək mümkündür”, - deyə ixtiraçı bildirib.