Yuxarı

​Telman İsmayılov avqustun 29-da müflis elan edilə bilər

Bununla bağlı məhkəmə prosesi növbəti dəfə təxirə salınıb

Bakı. 11 avqust. REPORT.AZ/ Rusiyada yaşayan Azərbaycan əsilli iş adamı Telman İsmayılovun müflis elan edilməsinə dair məhkəmə prosesi növbəti dəfə təxirə salınıb. "Report"un Rusiya mətbuatına istinadən yaydığı məlumata görə, dinləmələr avqustun 29-da keçiriləcək.

Xatırladaq ki, T.İsmayılovun müflis elan olunmasına Moskva Arbitraj Məhkəməsi qərar verməlidir. "AST" Şirkətlər Qrupunun təsisçisi olan sahibkara qarşı məhkəmə iddiasını "VTB Group"a daxil olan "BM-Bank" (keçmiş "Bank Moskva") ötən ilin oktyabr ayında qaldırıb. Bu ilin fevral ayına olan məlumata görə, T.İsmayılovun banka borcu 286,42 mln. rubl (təxminən 7,1 mln. manat) təşkil edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi