Səfər Mehdiyev: "DGK bu il 30-dan çox korrupsiya faktı aşkar edib"

Bakı. 19 dekabr. REPORT.AZ/ "Dövlət Gömrük Komitəsi (DGK) bu il 30-dan çox korrupsiya faktı aşkar edib".

"Report" xəbər verir ki, bunu jurnalistlərə açıqlamasında DGK-nın sədri Səfər Mehdiyev deyib.

Onun sözlərinə görə, həmin faktlardan cinayət tərkibi olan işlər aidiyyəti üzrə digər qurumlara göndərilib. 

"Korrupsiya əməlləri ilə bağlı 100-dən çox əməkdaşı işdən çıxardıq. Bununla bağlı 365 gün, 24 saat mübarizə aparacağıq", - o qeyd edib.