Yuxarı

​Rusiya Ukrayna yumurtasının Azərbaycana gətirilməsinin qarşısını alıb

Yüklər Ukrayna ərazisinə geri qaytarılıb

Bakı. 26 yanvar. REPORT.AZ/ Rusiyanın Baytarlıq və Fitosanitar Nəzarəti Federal Xidmətinin Bryansk və Smolensk vilayətləri üzrə idarəsinin əməkdaşları baytarlıq sənədlərinin qaydasında olmaması səbəbindən 300 mindən artıq toyuq yumurtası və 30 ton süd məhsulunun Ukraynadan federasiya ərazisinə daxil olmasına icazə verməyiblər.

"Report" "İnterfax"a istinadən xəbər verir ki, bu barədə idarənin mətbuat xidmətinin məlumatında bildirilir.

Ukraynadan gələn yük bu günlərdə "Troebortnoe" avtomobil buraxılış məntəqəsində saxlanılıb.

Üç yük partiyası Ukraynadan Azərbaycan və Özbəkistan istiqamətində hərəkət edib.

Mətbuat xidmətinin məlumatına görə, yoxlama zamanı baytarlıq şəhadətnaməsində çoxlu sayda tələb pozuntusu qeydə alınıb.

Müfəttişlər yükləri Ukrayna ərazisinə geri yola salıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi