Yuxarı

Hacıqabulda fəaliyyətə başlayacaq avadanlıqların istehsalı zavoduna yatırılan investisiyanın məbləği açıqlanıb

Rusiya, Özbəkistanda quru qarışıqlar avadanlıqları zavodu tikiləcək

İqtisadiyyat Nazirliyinin Hacıqabul Sənaye Məhəlləsində "ELBERG" MMC tikinti materiallarının istehsalı avadanlıqlarının istehsalı zavodu fəaliyyətə başlayacaq.

"Report" xəbər verir ki, müəssisənin nümayəndəsi Mayıs Qasımov bildirib ki, zavoda 12 mln. manat məbləğində sərmayə yatıralacaq: "Avadanlıqların quraşdırılması prosesi davam edir, proses yekunlaşdıqdan sonra müəssisə istehsal fəaliyyətinə başlayacaq".

M.Qasımov əlavə edib ki, zavodun avadanlıqları Almaniya, Finlandiya və Türkiyədən gətirilib. Bu tip kompleks tikinti materiallarını istehsal edən zavod ilk dəfədir ki, ölkədə fəaliyyət göstərəcək. Zavodun bəzi avadanlıqları isə Yaponiyadan gətiriləcək".

Onun sözlərinə görə, zavod hər hansı bir tikinti materialları istehsalı zavodunu kompleks şəkildə tikmək potensialına malikdir: "Əsas hədəf Azərbaycan bazarı nəzərdə tutulur, bununla yanaşı, qonşu ölkələrin bazarlarına da daxil olmaq istəyirik. Rusiya, Özbəkistanda quru qarışıqlar avadanlıqları zavodunun qurulması ilə bağlı hazırda danışıqlar aparılır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi