Rusiya hökuməti ölkə iqtisadiyyatına 40 mlrd. dollar xarici investisiya cəlb etməyi planlaşdırır

Bakı. 15 oktyabr. REPORT.AZ/ Yaxın 5-7 il ərzində xarici investorlar Rusiya iqtisadiyyatına 40 mlrd. ABŞ dolları məbləğində investisiya qoyacaq. 

“Report” Rusiya mətbuatına istinadən xəbər verir ki, bu barədə ölkənin Birbaşa İnvestisiyalar Fondunun rəhbəri Kirill Dmitriyev məlumat verib. 

Onun sözlərinə görə, investorlar Çin, Cənubi Koreya, Qətər və Səudiyyə Ərəbistanından olmaqla, təxminən, 20 şirkətdir. İnvestisiyalar əsasən, Rusiyanın nəqliyyat infrastrukturuna - avtomobil və dəmir yollarına, hava və dəniz  limanlarına qoyulacaq. Vəsaitin, təxminən, 25%-i texnologiyaların təkmilləşdirilməsinə yönəldiləcək.