Bakı. 23 yanvar. REPORT.AZ/ Yanvarın 22-də Sankt-Peterburqda yerləşən “Hyundai” avtomobil zavodu fəaliyyətini bərpa etmək qərarına gəlib.
“Report” xəbər verir ki, artıq bu ilin yayında konsernin Rusiyadakı nümayəndəliyi yeni nəsil “Creta” yolsuzluq avtomobilinin istehsalına başlamaq niyyətindədir.
Yeni avtomobil təkcə Rusiya ərazisində deyil, həm də keçmiş Sovet respublikalarında, eləcə də Azərbaycanda satışa çıxarılacaq. Avtomobilin qiyməti hələ ki, gizli saxlanılır.