Yuxarı
    Bağlamaq

    Qazaxda sahibkarlar üçün treninq keçirilib

    Təlim “Biznes ideyanı yarat” və “Korporativ idarəetmə” mövzularını əhatə edib

    Bakı. 13 aprel. REPORT.AZ/ İqtisadiyyat Nazirliyinin Bakı Biznes Tədris Mərkəzi sahibkarlar və sahibkarlıq fəaliyyətinə yeni başlayanlar üçün növbəti treninqi Qazaxda keçirib.

    Nazirlikdən "Report"a daxil olan məlumata görə, aprelin 12-də Bakı Biznes Tədris Mərkəzinin Qazax nümayəndəliyinin təşkilatçılığı ilə keçirilmiş treninq “Biznes ideyanı yarat” və “Korporativ idarəetmə” mövzularını əhatə edib. 

    "Treninqdə sahibkarlara və sahibkarlıq fəaliyyətinə yeni başlayanlara biznes-ideyanın yaradılması, biznes-planların tərtib edilməsi, SWOT təhlilin aparılması və bu sahədə beynəlxalq təcrübə, Azərbaycan Respublikasının korporativ idarəetmə standartları, korporativ idarəetmənin şəffaflığın artırılmasında rolu, Müşahidə Şurasının və səhmdarların hüquq və vəzifələri, onlar arasında qarşılıqlı münasibətlərin yaradılması və s. barədə məlumat verilib. Bununla yanaşı, tədbir iştirakçıları Apellyasiya Şuraları, sahibkarların təkrar şikayətlərinə baxılması prosedurları, eləcə də İqtisadiyyat Nazirliyi tərəfindən göstərilən elektron xidmətlər barədə məlumatlandırılıb, mövzular üzrə təqdimatlar keçirilib, iştirakçıları maraqlandıran suallar cavablandırılıb", - məlumatda qeyd edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi