Yuxarı
    Bağlamaq

    Neftçala Avtomobil Zavodunun avtomobilləri bu aydan satışa çıxarılacaq

    Dinlə
    İyunun 20-dən isə avtomobillərin ehtiyat hissələrinin satışına başlanacaq

    Neftçala. 8 iyun. REPORT.AZ/ Neftçala Avtomobil Zavodunda aşağı sinif avtomobillərin istehsalı planlaşdırılır.

     "Report" xəbər verir ki, bunu "Azərmaş" ASC-nin İdarə Heyətinin sədri Emin Axundov bildirib.

    Onun sözlərinə görə, bu avtomobillərin qiyməti 14 min manat olacaq: "Biz həm də yan sənayeni inkişaf etdirmək niyyətindəyik. Bu isə avtomobillərin qiymətlərinin 10-12% ucuzlaşmasına səbəb olacaq. İyunun 20-dən etibarən avtomobillərin ehtiyat hissələrinin satışına başlanacaq. İyunun 11-dən etibarən isə Badamdar, Babək və Ziya Bünyadov prospektlərində yerləşən satış mərkəzlərində avtomobillərin satışına başlanılacaq".

    O deyib ki, ilkin olaraq 100 ədəd "Xəzər" avtomobili satışa çıxarılacaq: "Ayda 160 ədəd avtomobil istehsalı planlaşdırılır".

    Qeyd edək ki, Neftçala Avtomobil Zavodunda "Xəzər SD" və "Xəzər LD" markalı avtomobilləri istehsal olunur. Zavodun illik istehsal gücü 10 min avtomobildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi