Yuxarı
    Bağlamaq

    Mərkəzi Bank qurğu, sistem, ehtiyat hissələri və xidmətlərin alınması üzrə tender keçirir

    Tender proseduru aprelin 3-də AMB-nın əsas inzibati binasında keçiriləcək

    Bakı. 9 fevral. REPORT.AZ/ Azərbaycan Mərkəzi Bankı (AMB) transformator qurğusu, qaz tipli avtomatik yanğınsöndürmə sistemi, kəsintisiz elektrik mənbələri (UPS) üçün ehtiyat hissələrinin təchizatı və quraşdırılması işləri və digər xidmətlərin satın alınması üçün 8 lot üzrə açıq tender elan edib.

    "Report" bu barədə AMB-nin rəsmi qəzetdə dərc olunan elanına istinadən xəbər verir.

    Lot-1 Mərkəzi Bankın Bakı şəhəri, Rəşid Behbudov küçəsi,90 ünvanında yerləşən əsas inzibati binasında 1600 kVA-lıq transformator qurğusunun təchizatı və quraşdırılması işlərinin satın alınması, lot-2 əsas inzibati binada qaz tipli avtomatik yanğınsöndürmə sisteminin təchizatı və quraşdırılması işlərinin satın alınması ilə bağlıdır.

    Lot-3 mərkəzi ofisin və Sumqayıt ehtiyat mərkəzinin inzibati binalarında quraşdırılmış kəsintisiz elektrik mənbələri (UPS) üçün ehtiyat hissələrinin təchizatı və quraşdırılması işləri, lot-4 mərkəzi ofisin və regional ərazi idarələrinin inzibati binalarında quraşdırılmış yanğınsöndürmə qurğularına, sistem və avadanlıqlarına texniki xidmət, lot-5 mərkəzi ofisin və regional ərazi idarələrinin inzibati binalarında istismar olunan isitmə-soyutma-havalandırma, su-kanal sistem və avadanlıqlarına texniki xidmət, lot-6 mərkəzi ofisin və regional ərazi idarələrinin inzibati binalarında quraşdırılmış elektrik avadanlıqlarına texniki xidmət, lot-7 AMB-yə məxsus nəqliyyat vasitələrinə texniki xidmət, lot-8 isə əsas inzibati binada quraşdırılmış avtomatlaşdırılmış telefon stansiyası "OpenScape Business" üçün İP telefon aparatlarının satın alınmasını nəzərdə tutur.

    İddiaçılar tender təklifi və tender təklifinin bank təminatını martın 31-dək, digər sənədləri isə ən geci martın 15-dək AMB-nin əsas inzibati binasına təqdim etməlidirlər. Tenderdə iştirak haqqı hər bir lot üzrə 50 manat təşkil edir.

    Lot 1, 2, 3, 5, 7 və 8 üzrə satınalma müqaviləsi imzalandığı gündən, lot-4 üzrə oktyabrın 1-dən, lot-6 üzrə isə iyulun 1-dən qüvvəyə minir.

    Malların təchizatı və işlərin görülməsi müddəti lot-1 üçün satınalma müqaviləsi imzalandığı gündən 120 təqvim günü, lot-2 və 3 üzrə 90 təqvim günündə, lot-4, 5, 6 və 7 üzrə 1 il, lot-8 üzrə isə 60 təqvim günüdür.

    Tender proseduru aprelin 3-də AMB-nın inzibati binasında keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi