Manatın devalvasiyası Azərbaycana yatırılan investisiyalara təsir etməyib

Bakı. 13 mart. REPORT.AZ/ Azərbaycanda manatın devalvasiyası ölkəyə yatırılan investisiyaların həcminə mənfi təsir göstərməyib. "Report" xəbər verir ki, bunu jurnalistlərə açıqlamasında Azərbaycanda İxracın və İnvestisiyaların Təşviqi Fondunun (Azpromo) rəhbəri Rüfət Məmmədov bildirib. 

"Ümumiyyətlə, iqtisadi nəzəriyyəyə baxsaq, devalvasiya prosesi iqtisadiyyatın investisiyaların cəlbediciliyi nöqteyi nəzərdən nikbin bir addım olur", - deyə R.Məmmədov qeyd edib.