Yuxarı
    Bağlamaq

    Kəlbəcərdən olan sahibkarların investisiya layihələrinin qəbuluna başlanılıb

    Bu gündən sahibkarlar layihələrinin maliyyələşdirilməsi məqsədilə SKMF-ya müraciət edə bilərlər

    Bakı. 29 mart. REPORT.AZ/ İqtisadiyyat Nazirliyinin Sahibkarlığa Kömək Milli Fondu (SKMF) Yevlax şəhərində müvəqqəti məskunlaşan Kəlbəcərdən olan məcburi köçkün sahibkarlardan prioritet hesab olunan sahələr üzrə investisiya layihələrinin qəbuluna başlayıb.

    “Report” İqtisadiyyat Nazirliyinin mətbuat xidmətinə istinadən xəbər verir ki, Fond sahibkarlardan cins heyvandarlıq və arıçılıq təsərrüfatlarının (o cümlədən sənaye üsulu ilə balın emalı), pendir, çörək və şirniyyat məhsullarının istehsalı müəssisələrinin yaradılması istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edib.

    Bu gündən etibarən sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə SKMF-ya (Ünvan: Bakı şəhəri, Yasamal rayonu, A.M.Şərifzadə küçəsi, 172, telefon: (012) 434-74-29, Faks: (012) 432-37-17, e-mail:info@anfes.gov.az) müraciət edə bilərlər.

    Qeyd edək ki, Fond martın 17-də Yevlax şəhərində müvəqqəti məskunlaşan Kəlbəcərdən olan məcburi köçkün sahibkarlarla işgüzar forum keçirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi