Heydər Əliyev Beynəlxalq Aeroportunda fəaliyyət göstərən şirkətlərdən biri ləğv olunur

Heydər Əliyev Beynəlxalq Aeroportunda fəaliyyət göstərən “Euroasian Fuel” MMC ləğv olunduğunu elan edib.

“Report” bu barədə Vergilər Nazirliyinin “Vergilər” qəzetinə istinadən xəbər verir.

Məlumatda deyilir ki, kreditorlar 2 ay ərzində tələblərini hava limanına bildirə bilərlər. Xatırladaq ki, sözügedən şirkət 2006-cı ildə yaradılıb. Onun nizamnamə kapitalı 100 manat, qanuni təmsilçisi isə Orxan Mahmud oğlu Kazımovdur.