Gələn həftə Xaçmaz və Siyəzəndə “KOB Dostu” fəaliyyətə başlayacaq

Bakı. 29 noyabr. REPORT.AZ/ Gələn həftə Xaçmaz və Siyəzən rayonlarında “KOB Dostu” regional nümayəndəlik fəaliyyətə başlayacaq.

“Report”un məlumatına görə, bunu Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov jurnalistlərə açıqlamasında bildirib.

Onun sözlərinə görə, hazırda “KOB Evləri”nin açılışı ilə bağlı işlər gedir: “Gələn il Bakı şəhərində birinci "KOB Evi"nin açılışı olacaq”.

O xatırladıb ki, artıq Masallı şəhərində ilk “KOB Dostu” fəaliyyətə başlayıb.