Yuxarı
    Bağlamaq

    Bakıda PR mövzusunda təlim keçiriləcək

    Tədbir ali təhsil müəssisələrinin tələbələri üçün təşkil olunur

    Bakı. 20 aprel. REPORT.AZ/ Mayın 12-də Bakıda ali təhsil müəssisələrinin tələbələri üçün ictimaiyyətlə əlaqələr işinin qurulması mövzusunda təlim keçiriləcək. "Report"un verdiyi xəbərə görə, təlimin məqsədi ictimaiyyətlə əlaqələr işinə maraq göstərən və gələcəkdə özünü bu sahədə sınamaq istəyən gəncləri bu sahənin əsas prinsipləri ilə tanış etməkdir.

    Təlimdə “Veysəloğlu” şirkətinin ictimaiyyətlə əlaqələr şöbəsinin rəhbəri İlham Məmmədov PR işinin məqsəd və prinsipləri, "Bakcell" şirkətinin korporativ kommunikasiya bölməsinin rəhbəri Süheylə Cəfərova Korporativ Sosial Məsuliyyət, Mədəniyyət və Turizm Nazirliyinin informasiya, elektron media və resurslarla iş sektorunun müdiri, “Mədəniyyət.az” jurnalının redaktoru Zöhrə Əliyeva jurnalist etikası, “AtaHolding” ASC-nin kommunikasiyalar şöbəsinin rəisi Dilarə Zamanova isə şirkətlərdə daxili kommunikasiyalar mövzuları üzrə təqdimatlar edəcəklər. Tədbirdə PR ekspertlər də iştirak edəcəklər.

    Tədbirdə iştirak etmək istəyən tələbələr CV-lərini və qısa maraq məktubunu pr@ataholding.az ünvanına göndərə bilərlər. İştirakçılar seçim əsasında müəyyənləşəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi