Yuxarı
    Bağlamaq

    Bakıda sənaye müəssisələrində korporativ idarəetmə prinsiplərinin tətbiqinə dair təlim keçirilib

    Tədbirdə aidiyyəti dövlət qurumları və sənaye müəssisələrinin nümayəndələri iştirak ediblər

    Bakı. 3 noyabr. REPORT.AZ/ Bu gün İqtisadiyyat Nazirliyinin təşkilatçılığı ilə Bakıda korporativ idarəetmə prinsiplərinin sənaye müəssisələrində tətbiqinə dair təlim keçirilib.

    Nazirliyin mətbuat xidmətindən “Report”a verilən xəbərə görə, mükafatlandırma siyasəti mövzusuna həsr olunan tədbirdə aidiyyəti dövlət qurumları və sənaye müəssisələrinin nümayəndələri iştirak ediblər.

    Təlimdə Nazirliyin korporativ idarəetmə sektorunun müdiri Anar Hacızadə və əməkdaşı Tural Məmmədov mükafatlandırmanın korporativ idarəetmə baxımından mahiyyəti, Müşahidə Şurası və İdarə Heyəti üzvlərinin fəaliyyətinin qiymətləndirilməsi barədə iştirakçılara məlumat verib, onları maraqlandıran suallar cavablandırılıb.

    Sonra “Azersun Holding” şirkətinin nümayəndəsi mövzu çərçivəsində şirkətin təcrübəsi barədə danışıb, müzakirələr aparılıb.

    Qeyd edək ki, ümumilikdə, korporativ idarəetmə prinsiplərinin sənaye müəssisələrində tətbiqi ilə bağlı 2016-cı ildə Nazirlik tərəfindən 8 mövzu üzrə keçirilməsi nəzərdə tutulan təlimlərin 5-i artıq baş tutub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi