Yuxarı

Bakıda beynəlxalq investisiya konfransı keçiriləcək

Tədbirdə beynəlxalq banklar, hüquq, investisiya, auditor və maliyyə şirkətləri iştirak edəcək

Bakı. 11 sentyabr. REPORT.AZ/ Oktyabrın 26-da Bakıda "InvestPro Azerbaijan-2015" adlı beynəlxalq investisiya konfransı keçiriləcək.

"Report" xəbər verir ki, tədbir beynəlxalq investisiya, maliyyə, kapitalın idarə olunması və artırılması, beynəlxalq strukturların qurulmasına həsr olunub.

"InvestPro Azerbaijan-2015" konfransında Azərbaycan, MDB, Avropa İttifaqı və Asiya ölkələri maliyyə bazarının aparıcı mütəxəssislərinin 15 məruzəsi dinləniləcək. Bununla paralel keçiriləcək sərgidə isə 20-dən artıq eksponent - beynəlxalq banklar, hüquq, investisiya, auditor, maliyyə və s. şirkətlər iştirak edəcək.

Qeyd edək ki, tədbirin əsas təşkilatçışı rolunda "Bosco Conference" təşkilatı çıxış edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi