Yuxarı
    Bağlamaq

    Azərbaycanda 17 dövlət əmlakı özəlləşdirilib

    Bu gün Əmlak Məsələləri Dövlət Komitəsi növbəti hərracını keçirib

    Bakı. 6 iyun. REPORT.AZ/ Bu gün Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi ilə bağlı növbəti hərracını keçirib.

    Komitədən “Report”a verilən məlumata görə, hərracda 7 kiçik dövlət müəssisəsi, 6 qeyri-yaşayış sahəsi və 4 nəqliyyat vasitəsi olmaqla ümumilikdə 17 dövlət əmlakı özəlləşdirilib.

    Özəlləşdirilən qeyri-yaşayış sahələrinin 5-i paytaxtda (Yasamal, Xətai və Nərimanov rayonlarında), 1-i isə Gəncədə yerləşir. Bu əmlakların sahəsi 14,2-107,3 kv.m arasında dəyişir.

    Özəlləşdirilən kiçik dövlət müəssisələrinin 4-ü Bakıda (Qaradağ, Nəsimi, Binəqədi və Nərimanov rayonlarında), 3-ü isə regionlarda (Gəncə, İmişli və Qubada) yerləşir.

    Qeyd edək ki, hərraca çıxarılan bir sıra əmlaklar – Bakının Qaradağ rayonundakı “Metal və ərzaq anbarı”ı, İmişli rayonundakı 2 saylı yanacaq doldurma məntəqəsi və s. torpaq sahəsi ilə birlikdə özəlləşdirilib. Anbarın torpaq sahəsi 14451,8 kv.m, ümumi faydalı sahəsi isə 2175 kv.m-ə yaxın, yanacaq doldurma məntəqəsinin torpaq sahəsi 27,5 kv.m, ümumi faydalı sahəsi isə 1370,5 kv.m dir.

    Keçirilən hərracların nəticələri ilə tanış olmaq üçün aşağıdakı linkdən istifadə etmək kifayətdir:

    http://www.emdk.gov.az/index.php/az/m%C3%BCsabiq%C9%99-v%C9%99-h%C9%99rraclar/n%C9%99tic%C9%99l%C9%99r

    ƏMDK növbəti hərracını iyunun 13-də keçirəcək. Bu hərraca ümumilikdə 88 əmlak çıxarılıb. Bunlardan 20-si səhmdar cəmiyyəti, 40-ı kiçik dövlət müəssisə və obyekti, 28-i istifadəsiz qeyri-yaşayış sahəsidir. Hərraca çıxarılan əmlaklarla tanış olmaq üçün aşağıdakı keçiddən istifadə etmək kifayətdir:

    http://www.privatization.az/index.php/az/component/content/article?layout=edit&id=1848

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi