Azərbaycana Kolumbiyadan gül idxal olunur

Bakı. 8 may. REPORT.AZ/ Kolumbiya Azərbaycana gül ixrac edir.

Kolumbiyanın Azərbaycandakı səfirliyindən "Report"a verilən məlumata görə, Bakıya Kolumbiya gülləri bu ilin ilk rübündən etibarən gətirilir.

Səfirlikdən bildirilib ki, Azərbaycana bir həftə ərzində 1 tondan çox pompon, alströmeriya, payızgülü, qızılgül, klavel və gipsofillərin müxtəlif sortları gətirilir. Bu, Kolumbiya güllərinin regiona ixracının genişləndirilməsi baxımından ilk addımdır və gələcəkdə Azərbaycana gül tədarükünün həcminin artırılması planlaşdırılır.