Azərbaycan xarici ticarət dövriyyəsini 15% artırıb

Bakı. 13 aprel. REPORT.AZ/ Bu ilin yanvar-mart aylarında Azərbaycan xarici ölkələrlə 4,119 mlrd. ABŞ dolları dəyərində ticarət əməliyyatı aparıb.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 15,3% çoxdur.

Hesabat dövründə Azərbaycandan ixracın dəyəri 49,2% artaraq 2,606 mlrd. dollar, Azərbaycana idxalın dəyəri isə 17,1% azalaraq 1,513 mlrd. dollar olub.

Son nəticədə xarici ticarətdə 1,094 mlrd. dollarlıq müsbət saldo yaranıb. Xatırladaq ki, ötən ilin eyni dövründə xarici ticarətdə 78 mln. dollarlıq mənfi saldo qeydə alınıb.