Yuxarı
    Bağlamaq

    Azərbaycan və Vyetnam iqtisadi əməkdaşlığı inkişaf etdirmək barədə razılığa gəliblər

    Hanoyda Azərbaycan-Vyetnam hökumətlərarası komissiyasının ilk iclası baş tutub

    Bakı. 17 yanvar. REPORT.AZ/ Vyetnamın paytaxtı Hanoyda iqtisadi əməkdaşlıq üzrə Azərbaycan-Vyetnam hökumətlərarası komissiyasının ilk iclası keçirilib.

    Bu barədə "Report" "BNews"a istinadən xəbər verir.

    Görüşdə Azərbaycan tərəfini energetika naziri Natiq Əliyev, Vyetnam tərəfini isə sənaye və ticarət naziri Çan Tuan An təmsil edib.

    İclas çərçivəsində tərəflər 2015-2016-cı illər üzrə Azərbaycan və Vyetnam arasında əməkdaşlığı, ticari-iqtisadi əməkdaşlıq çərçivəsində əldə olunmuş razılaşmaların nəticələrini qiymətləndiriblər.

    Qeyd olunub ki, 2016-cı ildə Vyetnam və Azərbaycan arasında ikitərəfli ticarətin həcmi 104,44 milyon ABŞ dollarına çatıb. O cümlədən Vyetnamdan Azərbaycana 5,14 milyon ABŞ dolları məbləğində məhsul ixrac edilib, idxalın səviyyəsi isə 99,30 milyon ABŞ dolları təşkil edib.

    Görüşdə, həmçinin qarşılıqlı investisiyaların yatırılması, ASK, elmi-tədqiqat, texnika və mədəniyyət sahəsində əməkdaşlığın inkişafı müzakirə olunub. Tərəflər Vyetnam və Azərbaycan arasında qarşılıqlı investisiyaların təşviqi və qorunması, eləcə də hər iki ölkədə biznes fəaliyyəti üçün əlverişli şəraitin yaradılması məqsədi ilə danışıqlara başlamaq barədə razılığa gəliblər.

    Tərəflər iki ölkə arasında diplomatik münasibətlərin qurulmasının 25 illiyi münasibətilə 2017-ci ildə Vyetnamda Azərbaycan Mədəniyyəti Günləri keçirilməsi barədə razılıq əldə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi